محمد المحيسني - Mohammed Al-Muhasny

الأربعاء، 15 فبراير، 2012

ياه يا الميدان - عايدة الأيوبى

ياه يا الميدان - عايدة الأيوبى

ياه يا الميدان - عايدة الأيوبى

عايدة الأيوبي و كايروكي يا الميدان

ياه يا الميدان
كنت فين من زمان ؟
معاك غنينا ومعاك شقينا
وحاربنا خوفنا .. ودعينا
إيد واحدة نهار وليل
ومفيش معاك، شئ مستحيل
صوت الحرية بيجمعنا
خلاص حياتنا بقى ليها معنى
مفيش رجوع .. صوتنا مسموع
والحلم خلاص مبقاش ممنوع
ياه يا الميدان .. كنت فين من زمان ؟
هديت السور نورت النور
لميت حوليك شعب مكسور
اتولدنا من جديد
واتولد الحلم العنيد
بنختلف والنية صافية
أوقات الصورة مكنتش واضحة
هنصون بلادنا وأولاد ولادنا
حق اللي راحوا من شبابنا
ياه يا الميدان .. كنت فين من زمان ؟
معاك حسينا وابتدينا بعد ما بعدنا وانتهينا
لازم بإيدينا نغير نفسينا
إديتنا كثير والباقي علينا
ساعات بخاف تبقى ذكرى
نبعد عنك تموت الفكرة
ونرجع تاني ننسى اللي فات
ونحكي عنك في الحكايات
ياه يا الميدان .. كنت فين من زمان ؟
ميدان مليان أنواع
اللي بايع والشجاع
فيه اللي حابب واللي راكب واللي بيزعق واللي ساكت
نتجمع نشرب الشاي
الحق عرفنا بنجيبه إزاي
خليت العالم يسمعوا
والجيران يتجمعوا
ياه يا الميدان .. كنت فين من زمان ؟
فكرتنا هي قوتنا
وسلاحنا في وحدتنا
ميدان بيقول الحق
بيقول للظالم دائما لأ
ميدان زي الموجة
ناس راكبة وناس مشدودة
ناس بره بيقولوا ديه هوجة
والأعمال مكتوبة
ياه يا الميدان .. كنت فين من زمان ؟
~~~~~~~~~~~~~~~~~~~

ليست هناك تعليقات: